سوڀراج نرملداس ’فاني‘: سنڌي ٻوليءَ جي نامياري شاعر، اديب ۽ محقق ديوان سوڀراج نرملداس ’فاني‘ 27 فيبروري 1883ع تي حيدرآباد ۾ جنم ورتو. سندس والد سنڌيءَ کان سواءِ عربي ۽ فارسيءَ جو ماهر هو، ان ڪري سوڀراج نرملداس ننڍي هوندي کان صوفي ازم جو قائل ٿيو ۽ شاعريءَ جي قدرتي ڏات عطا ٿيل هئس. 9 سالن جي عمر کان شعر چوڻ شروع ڪيائين. هن بمبئي يونيورسٽيءَ مان مئٽرڪ پهرين پوزيشن ۾ حاصل ڪئي. ان کانپوءِ سرڪاري نوڪري اختيار ڪيائين. 1937ع ڌاري ڊپٽي ڪليڪٽر جي عهدي تان رٽائرڊ ٿيو. رٽائرڊ ٿيڻ بعد علم ۽ ادب تي توجهه ڏيڻ لڳو. آخري وقت ۾ جڏهن نظر گهٽجي ويس ته پنهنجو مواد ٻارن کان به لکرائي ڇڏيندو هو. پاڻ شاعريءَ سان گڏ موسيقيءَ جو به سٺو ماهر هو. عربي، فارسي، سنڌي ۽ انگريزيءَ تي عبور حاصل هوس. سنڌ جي اٽڪل 80 شهرن بابت کوجنا ڪري ڪيترا تاريخي مضمون ’ڊيلي گزيٽ‘ ۾ شايع ڪرايائين. تنهن کانسواءِ ’غنچه‘، ’اميد‘، ’مهراڻ‘ ۽ ڪاليج ميگزينن سميت ٻين رسالن ۾ سندس مضمون ۽ شاعري شايع ٿيندا رهيا. سندس ڪيترائي ڪتاب شايع ٿيل آهن، جن ۾ ’خيالي‘، ’جهلڪا‘، ’چت ڦلواڙي‘، ’روحاني تجلا‘، ’ويچار وکـر‘ قابلِ ذڪر آهن. ورهاڱي بعد ڀارت لڏي ويو ۽ اُتي ئي 15 مارچ 1956ع تي وفات ڪيائين.
1883.02.27 عيسوي
سنڌي ٻوليءَ جي نامياري شاعر، اديب ۽ محقق ديوان سوڀراج نرملداس ’فاني‘ 27 فيبروري 1883ع تي حيدرآباد ۾ جنم ورتو.
1956.03.12 عيسوي
سوڀراج نرملداس فاني ورهاڱي بعد ڀارت لڏي ويو ۽ اُتي ئي 15 مارچ 1956ع تي وفات ڪيائين.